بەدەزگاکردنی فێمینیزم لەدەسەڵاتی کوردیدا

ئاراس فه‌تاح
لەعەقڵییەتی پیاوسالارییدا فێمینیست ئەو ژنەیە کە نەک هەر ڕقی لەپیاوە، بەڵکو پیاوبون وەکو خراپەکارییەکی کۆمەڵایەتیی دەبینێت. کەسی فێمینیست بونەوەرێکە ئیرەیی بەعەقڵو دەسەڵاتی نێردا دەبات، بۆیە دژی شوێنگەی پیاوە لەمێژودا. بەدیوە کۆمیدییەکەشی وێناکردنی ژنێکی ناشیرینە کە پیاوی دەستناکەوێت، یان خانمێکە کە پیاو هێندە دڵی شکاندوە، بۆیە بوە بەدژەپیاو.
فێمینیستبون مۆدە نییە، ململانێیەکی دروستکراوی ژن نییە دژ بەپیاو، دۆخی سایکۆلۆژیی هەندێک نوسەرو ئەکتیڤیستی ژنیش نییە کە کێشەی زاتییان لەگەڵ خۆیانو ململانێی شەخسییان لەگەڵ پیاواندا هەبێت، وەکو هەندێک نوسەرو سیاسەتمەداری پیاو بەپەنهانی بانگەشەی بۆدەکەن. بەهەمان ئەندازەش شەڕی هەندێک لەژنانی فێمینیست نییە بۆ خۆڕوتکردنەوەو تێکدانی ئادابی گشتیی، وەکو هەندێک لەمەلاکان بەئاشکرا بانگەشەی بۆدەکەن، بەڵکو فێمینیستبون لەدونیای ئەمڕۆی ئێمەدا پێداویستییەکی کۆمەڵایەتییو فیکرییە، چونکە تاکەڕێگایەکە ژنان لەدوتوێیەوە بتوانن بەرگری لەمافو ئازادییەکانی خۆیان بکەن.
بۆئەوەی نەکەوینە ناو ئیشکالییەتی پێناسە هەمەلایەنو پڕگرفتەکانی چەمکی فێمینیزمەوە، من لێرەدا کە باس لەفێمینیزم دەکەم، مەبەستم لەو زانستەیە کە فێمینیزم وەکو وشیاری بەرهەمیدەهێنێت. ئەو زانستەش بریتییە لەدو پرسیاری سەرەکیی: یەکەمیان بریتییە لەپرسێکی فەلسەفییو وەڵامی پرسیاری ”ژن چییە؟“ دەداتەوە. دوهەمیشیان پرسێکی سیاسییو کۆمەڵایەتیو فەرهەنگییە کە سەرقاڵی مافو کێشەو داواکارییەکانی ژنانە؟ دیارە ئەم کایەیەش لەزانستە کۆمەڵایەتییەکانی ئەمڕۆدا بەپرسی ”جێندەر“ ناسراوە

Advertisements

پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن / تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن / تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن / تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن / تغییر دادن )

درحال اتصال به %s